[西餐食食篇]SCHOOL FOOD 韓國FUSION菜

[西餐食食篇]SCHOOL FOOD, 銅鑼灣 韓國FUSION菜
由於同事於多個月前就已經不停話銅鑼灣school food好難等位而且食物好有傳統韓國風味， 今日終於有機會去會一會佢la，坐我地附近嘅顧客都係韓國人,馬上睇下佢地食緊邊幾款食物先， 由落order到上菜，其實都好快！店內燈光偏暗，櫈都係School Style, 都幾舒服⋯。
餐牌唔算太多選擇。除左有傳統韓式料理，也有創新獨特嘅fusion 菜式。但大部份都係澱粉質嘅食物。

香料炸雞沙律
起初我地以為炸雞應該係雞件， 原來係炸雞絲， 炸雞外皮都幾脆，不過炸粉/炸醬多厚身，而且唔似新鮮炸起，雞肉無咩味道仲乾乾爭爭的, 真係麻麻地... 芥末醬得好少，沙律菜嘅份量ok。

韓式薄燒豬頸肉鐵鍋炒飯
食物熱辣辣上枱， 好香辣惹味，我地好快咁撈混d芝士同太陽蛋， 地口感一流。不過芝士再加蛋的配搭就有d膩了。而且呢個飯都幾油下， 味道就唔算太辣，仲有少少飯焦添，4 個人分啱啱好。

卡邦尼粉絲年糕
我地睇到呢個fusion 菜咁特別， 就抱住一試無妨的心態去試, 結果是意料之外地好味， 個汁好creamy唔算好"漏"而且仲甜甜地，同無咩味道嘅年糕多夾，不過d 粉絲吸左太多汁醬，好"漏"喎~ 可能唔加粉絲會更好~

烏卒卒墨魚卷
用小卷砌成2 朵花， 旁邊有d 沙律醬，
韓國人叫呢d做"紫菜包飯卷",黑麻麻既墨魚汁飯卷，d 飯其實無墨魚味，包住魷魚，魷魚有小小辣辣地，煙煙韌韌，又幾特別喎！仲有舊好似係醃蘿蔔，甜甜地好爽脆，好有驚喜... Yummy!呢款絕對值得一食。

我地仲可叫左個紫薯炸餅, 其實裡面只係有很少的紫心薯蓉。

總括，環境同食物都算唔錯，但如果要排好耐隊嘅話，我又覺得唔值囉。始終都唔係好好味到要排1 個鐘或以上，亦都唔會特登再嚟喇。

當小吃食還是可以的。其實d服務員唔夠細心，叫左幾次先拎水過黎，其實我覺得食韓國嘢飲水已經好match，因為去到韓國嘅餐廳都只係俾水你。另外，用餐時間只有75mins(由首位入座起計)。

[西餐食食篇]Maison Eric Kayser, 尖沙咀 擁有美景美食嘅包包西餐廳

[西餐食食篇]Maison Eric Kayser, 擁有美景美食嘅包包西餐廳

星期日晚差唔多9點尖沙咀海運商塲周圍0既餐廳都仲有好幾客人在等, 唯獨Eric Kayser係無人等位, 係門口望左一陣MENU都幾吸引, 就入去試下先, 待應安排左窗邊位俾我地坐, 望住ICC啲燈光表演及海旁夜景, 一邊等飲嘢一邊傾計, 十分寫意~而且枱餐廳設計都算舒服, 枱與枱之間隔比較寬敞, 唔會太嘈~不過都可能同少d 客人有關LOL 當然只係坐左大概7成人~

                                               

 當我地落完order 後, 待應馬上送上免費麵包籃， 免費的麵包籃内有有多幾款不同的麵包， 軟法包，果仁包 ,香草麵包，蕃茄麵包， 仲有一款好似麥包裡面有d 好似係種子的東西， 而且麵包上枱時仲係暖的， 令到牛油可以慢慢溶化於麵包上，全部都好鬆軟好好味， 特別係香草麵包， 軟法包同蕃茄麵包， 香草麵包混和左香草和小麥粉的香味， 軟法包嘅外皮少脆，帶d煙靱, 但包心仍然十分鬆軟, 蕃茄麵包混合左很多蕃茄乾於麵包内， 味道好清， 其實唔搽牛油都已經好好味^^Eric Kayser出品的麵包真係好有水準~

 其實 e 十有好多高級西餐廳供應嘅麵包上枱時都會係凍哂囉(eg.  Flint Grill & Bar,  JW萬豪酒店) , 仲要係好硬掘掘，所謂嘅高級餐廳真係要改善下la ~

正當你食完麵包無耐， 主菜就已經到lu~ 燒雞漢堡 (Chicken Burger), size 都幾巨型， 而且賣相不錯，雞扒很鬆化又juicy，同芝士勁夾，味道都好好味！配埋杯Hongarden,  真係無得彈~

法式雞柳青醬扁義大利麵 (Pesto Spaghetti with Chicken) 用左大量嘅香草醬， 適量的橄欖油及松子做左個醬汁，醬汁好清新， 而且仲有大量的火箭菜， 意粉煮得啱啱好， 好爽口彈牙， d 雞柳亦都好嫩滑。

埋單前， 待應仲送左一包椰絲餅俾我地~ 好開心呀^^