[中餐食食篇] 我與家人最喜愛的米芝蓮星級食府<欣圖軒>

從樓梯往下走見到欣圖軒門外的裝修佈置氣派優雅,環境清優雅緻,再加上對著開陽維港景,有迷人的維港景作伴,添好心情, 而且餐具極為精緻, 大部份都係有玉的元素, 飲飲茶食點心，真寫意。這家五星級兼米芝蓮食府的服務質素, 待應不論男女都十分殷勤和細心。

縱然消費高昂 (假日又比平日再貴一點,有興趣可瀏覽網上餐牌),中午十二點半左右, 已經全場爆滿。難怪餐廳不用安排任何宣傳／折扣

香片茶, 茶香比較淡, 可以稱得上茶香欠佳, 待應會於加水時再添加上茶葉, 令到茶不會淡如水

六款醬汁選擇,上網查過資料，有2碟辣醬比較有名原來叫『南海黃椒醬』&『余均益辣椒醬』，另外仲有豆瓣醬, XO醬, 蒜蓉辣椒醬.....我與家人 都唔嗜 辣, 所以無試到

這裡的餐前小食琥珀合桃,鬆脆香甜, 帶微微的芝麻香, 雖然比較熱氣, 但令人停唔到口, 食完一碟後,侍應很快就送上第二碟

晶瑩筍尖鮮蝦餃($80) 蝦餃相當的飽滿，外皮厚度適中，晶瑩通透, 蝦肉配上小量筍尖，好鮮味爽口

蟹皇蒸燒賣 ($80) 燒賣大大顆,蟹粉都算鮮美, 肉餡嘅肉汁相當豐富,蝦肉粒添加口感

 葡汁海鮮蘿蔔絲酥 ($60) 酥皮層層疊疊,鬆化到不得少了, 蘿蔔大十分清甜

鮮蝦蟹肉脆春卷 ($66),一客有六件，不過比坊間嘅短D,賣相美觀吸引, 十分脆卜卜、不油不膩而且熱度十足,但唔太吃得出蟹肉及蟹肉的鮮味, 都幾滿意 

雞湯海鮮腐皮卷, 單看賣相,那數顆橙紅色的杞子十分搶眼, 鮮竹卷就好普通, 不過餡料都很足, 反而係個湯底就正,雞湯真材實料, 相當鮮味

香芋火鴨雪山包($80),好吃,焗嘅時間啱啱好, 雪山皮微脆,包身鬆軟少少甜甜地、暖暖地, 好香牛油香味。雖然食到火鴨絲同叉燒粒,可能因用左叉燒醬,比較似食緊叉燒雪山包,其實香芋的味道完全不突出,雪山包記得趁熱吃

雪菜黑豚肉生煎包, 味道一般, 但喜歡它煎得崗崗好金黃色,又無太多油!

黑豚鴨肝芝香咸水角, 粒粒飽滿, 口感很香糯及脆, 全無油膉味及很肥膩的感覺, 但其實比起其他點心, 也算係比較普通, 除左餡料比較特別外

蜜汁叉燒包, 包皮鬆軟白雪雪,軟綿綿,蠔汁香濃,餡料多, 叉燒偏瘦,好味道


脆皮龍崗雞 （$260）皮脆肉嫩,雖然雞肉的肉香淡了一點,但都可以不要靠蘸淮鹽和檸檬汁吊味。喜歡食辣的朋友不要錯過呢度唔同辣度嘅辣椒醬,當中最激的,就是中間黃色的海南辣椒醬。

葡汁牛油果焗海鮮飯 ($260)，製作需時30分鐘，葡汁味道是相當香濃, 豐富的葡汁混和了牛油果,令飯粒口感更加油潤美妙,而且飯粒吸收了葡汁的味道,實在是非常惹味,海鮮的份量充足,十分的推介。

瓦罉花彫豉油雞, 也是店內招牌推介。熱騰騰的拿上來升起陣陣白煙, 花彫酒味好香, 起初都有擔心酒味濃郁, 餘下的其酒香，令剩下的豉油汁變得更為加香甜吸引, 而且雞件亦確實嫩滑, 每件件都很入味，並不會太咸，水準也是不錯的。

亁炒牛河, 河粉都很有鑊氣, 炒得亁身, 唔太油, 而且每條河粉都被醬油包住, 色澤均勻, 牛肉可口嫩滑

總括來說，怪不得欣圖軒多番成為米芝蓮食府，食物都在水準以上，服務大致不俗，環境更是舒適清雅，加上那無敵維港景，相信不久會再重來呢！其實我已經與媽媽於2 個月內光顧左2次, 雖然大出血, 但家人食得開心滿意就好了