[旅行篇][日本2014]日本中部8日7夜(瘋想)楓賞團 - 22 NOV 14, DAY 3 (松本-->立山黑部-->富山県)

[旅行篇][日本2014]日本中部8日7夜(瘋想)楓賞團 - 22 NOV 14, DAY 3 
松本(Matsumoto)-->立山黑部 (Alpen)-->富山(Toyama)-->ホテルプライム富山 (Hotel Prime Toyama , 〒930-0003 富山県富山市桜町2丁目3-25)


松本東急イン (Matsumoto Tokyu Hotel) check out 後, 步行大約10mins 就到JR松本駅, 搭(大系線)至信濃大町駅 (670YEN), 大概1 小時, 出左信濃大町駅

售賣巴士票至扇沢駅的地方於你的左手面(步行大約2mins)的啡色小屋, 於你的右手邊(步行大約1mins)的啡色小屋是提供行運送服務, 服務期通常由4月下旬至11月上旬。
搭大概1 小時巴士後就到達扇沢駅(1360YEN), 扇沢駅已經鋪滿厚厚的積雪, 於扇沢駅可以購買單程套票往電铁富山駅 (9500YEN), 

於立山黑部及富山/ 扇沢服務時間表及價錢
http://www.alpen-route.com/access/timetable/index.html
http://www.alpen-route.com/tw/transportation/timetable-fares

行運送服務時間表及價錢
http://www.alpen-route.com/tw/transportation/baggagedelivery

我地係沒有買到「立山黒部アルペンきっぷ」套票, 因計過反而要俾多左錢, B套票18610YEN 起(2014年嘅價格), A套票包括宇奈月溫泉 20710 YEN 起, 由於E +已經沒有套票發售, 於JR東海 及JR西日本開唔到相關hyperlink 

有關JR東海推出的「立山黒部アルペンきっぷ」套票, 可以参考以下BLOG,

http://kavanachang.pixnet.net/blog/post/96392267-%E3%80%8C%E6%97%A5%E6%9C%AC%E4%B8%AD%E9%83%A8%E5%8C%97%E9%99%B8%E3%80%8D%E9%81%8A%E7%AB%8B%E5%B1%B1%E9%BB%91%E9%83%A8%E7%9A%84%E8%B6%85%E5%80%BC%E5%A5%97%E7%A5%A8%E3%80%82%E7%AB%8B

http://lovenanwei.pixnet.net/blog/post/31933195-%5B%E4%BA%A4%E9%80%9A%5D-2013%E5%B9%B4%E7%AB%8B%E5%B1%B1%E9%BB%92%E9%83%A8%E3%82%A2%E3%83%AB%E3%83%9A%E3%83%B3%E3%81%8D%E3%81%A3%E3%81%B7%E7%AB%8B%E5%B1%B1%E9%BB%91

於扇沢駅搭電氣巴士(無軌電車)到黑部大壩(黒部ダム KUROBEDAMU), 之後上220級樓梯(大概10MINS)至黑部大壩展望台(黒部ダム展望台), 上到大概一半, 會見到破碎帶的湧泉水, 清涼好喝, 可以帶樽去載D飲, 上到展望台可以眺望大壩及黒部湖(KUROBEKO), 個景色真係好靚, 影黑部大壩及黑部湖最好於早上11點前影, 下午就已經開始背光。

於黒部湖(KUROBEKO)搭乘黒部ケーブルカー(地下索道黒部纜車)至黒部平(KUROBEDAIRA), 步行大約2mins往黑部平及黑部大峽谷出發, 一推門出去就見到滿山積雪, 仲有一間小雪屋, 又可以眺望黑部湖, 附近的群山都鋪滿積雪。

於黒部平搭立山ロープウェイ(登山纜車)至大観峰(DAIKANBO), 上車之後我們刻意企在最後面 或 企於登山纜車門附近, 看到比較好的景色, 落車後直接上大観峰的屋上展望台, 於車站內附近可以買D熱嘢食。



於大観峰(DAIKANBO)搭立山トンネルトロリーバス(無軌電車)至室堂(MURODO), 於室堂車站內2樓有間餐廳, 有好幾款食物供應,大概1500YEN 起, 仲可以試下富山県嘅名產”白蝦”, 味道都唔錯, 如果唔係太多人仲可以坐WINDOW SEAT欣賞雪景

於餐廳旁仲一間手信專門店, 有一款啤酒只有呢度可以買到, 名叫立山地ビール星の空只售400YEN, 是用破碎帶的湧泉水釀造, 味道好清, 帶一點甜味, 啤酒的苦澀味唔重, 食飽飽後, 就着多件羽球絾, 戴着防水手套, 就冒住寒風, 走到室堂欣賞厚厚的積雪, 用雙手雙腳去體驗雪的軟綿綿, 由於正值中午時分, 雪開始溶, 步行時要好小心, 要揀比較多人行過踏過嘅路, 雪會比較實。

我地直接從室堂(MURODO)搭高原バス至美女平車站,由於彌陀原(弥陀ヶ原駅 , MIDAOGAHARA) 至美女平(BIJODAIRA) 的棧道上已經鋪滿積雪, 安全為理由, 唔可以俾乘客落車參觀, 但於車上會有日文, 英文及國語介紹巴士經的過景點。

到達美女平後, 我地已經直接搭立山覽車至立山駅覽車站, 再於立山駅(Tateyama)搭電鐵至富山駅(TOYAMA), 大概1小時後就到達, 我地步行10-15mins至ホテルプライム富山   HOTEL PRIME TOYAMA(所在地：〒930-0003 富山県富山市桜町2丁目3-25) CHECK IN。

放底背包後, 再出去搵嘢食, 之前有D BLOGERS 介紹過麵家いろは,  係富山黑拉麵的代表, 於富山駛前CIC商場B1地庫, 聞說於東京很出名拉麵店, 

人氣 NO.1的  ブラック味玉らーめん,  白エビ味玉らーめん 白蝦加半熟黃金蛋的拉麵。

麵家いろは WEBSITE
http://www.menya-iroha.com/cic/

不過我地覺得湯好鹹, 完全沒有鮮味, 拉麵唔太彈牙, 其實有D淋, 叉燒好廋, 有D柴皮。從未試過O係日本食到咁難食嘅拉麵T^T, 仲要成1000YEN碗, 為一可取係玉子, 我地連一杯飲品都唔想叫。


由於我地好唔滿足, 我地又再走入橫街搵好嘢食, 一間叫”北の門” 只收現金的一間老鋪舊式居酒屋(所在地：〒富山県富山市新富町1-3ホテル-ル一トイン富山地下(庫), TEL: (076)431-1151), 這棟大廈用回旋樓梯連貫地庫及1 樓, 放鞋嘅LOCKER唔係好高, 最多只可勉強放到一對短BOOTS, 最有趣係LOCKER係用木牌開的, 每塊木牌上都有不同的坑紋, 同鎖匙一樣, MENU係沒有圖片的, 有D只寫上片簡明, 真係都幾考記D 遊客, 幸好我想點的於門口嘅燈箱有介紹, 我馬上出去照低想叫嘅食物返去落ORDER, 老闆娘見到後, 就馬上問我地邊度黎, 立刻叫了一名會講國語/普通話嘅待應黎幫我地落ORDER。

食飽飽就返酒店LU, 聽朝要搭JR向金沢出發。